सिंहदरबार संवाददाता
काठमाडौं । भिजन सेक्युरिटिज् प्रा.लिद्वारा कैलाली बहुमुखी क्याम्पसमा लगानीकर्ता सचेतना अभिवृद्धि कार्यक्रम सम्पन्न भएको छ । आज(शुक्रबार) प्रशिक्षक सुवास चन्द्र भट्टराईले कैलाली बहुमुखी क्याम्पसमा अध्ययनरत विद्यार्थीहरुलाई शेयर बजार सम्बन्धी प्रशिक्षण दिएका हुन् ।
नवप्रवेसी लगानीकर्ताहरुले शेयर बजारमा अपनाउनु पर्ने सावधानीहरु, शेयर बजारको कारोबार प्रक्रिया, लगानी गर्नु पुर्व ध्यान दिनु पर्ने विषयहरु आदि विषयहरु समावेश गरि विद्यार्थीहरुलाई उनले प्रशिक्षित गरेका छन् ।
भिजन सेक्युरिटिज् प्रा.लि.का कार्यकारी अध्यक्ष राज कुमार तिमिल्सिनाले कलेज स्तरबाट नै सेयर बजारको बारेमा जानकारी दिने उद्देश्यका साथ काठमाडौंका केही कलेजहरुमा यस प्रकारको कार्यक्रम गरि सकिएको र यसलाई निरन्तरता दिईने बताए ।
प्रतिक्रिया दिनुहोस्