काठमाडौं। कुमारी क्यापिटलले म्युचुअल फण्ड आज देखि निष्कासन गरेको छ। क्यापिटलले ‘कुमारी सबल योजना’ को कुल १० करोड इकाई निष्कासन गरेको हो ।
इकाइधनीहरुले प्रतिइकाई १० रुपैयाँको दरले आवेदन दिन सकिनेछ । न्यूनतम १०० इकाईदेखि अधिकतम १ करोड इकाईसम्म आवेदन दिन पाउने व्यवस्था रहेको छ । लगानीकर्ताले सी–आस्वाको माध्यमबाट इकाईमा आवेदन दिन सक्नेछन् ।
जसमध्ये १ करोड ४० लाख इकाई वा कुल बिक्री भएको इकाईको १४ प्रतिशत विज पुँजीवापत कोष प्रवर्द्धक कुमारी बैंकलाई सुरक्षित गरिएको छ । त्यस्तै, योजना व्यवस्थापक कुमारी क्यापिटललाई १ प्रतिशत अर्थात् १० लाख इकाई सुरक्षित गरिएको छ । बाँकी ८ करोड ५० लाख इकाई सर्वसाधारणका लागि बिक्री खुला गरेको हो ।
इच्छुक इकाईधनीहरु वा अन्य संघसंथाहरुले आवश्यक कागजात संकलन गरि फागुन २ गते सम्म आवेदन पेश गर्ने सक्नेछन् । उक्त समयमा सबै इकाई बिक्री नभएमा फागुन १३ गतेसम्म खुला गर्ने कम्पनीले जानकारी दिएको छ ।
प्रतिक्रिया दिनुहोस्