सिंहदरबार संवाददाता
काठमाडौं । कुमारी बैंकले संस्थापक सेयर बिक्रीमा ल्याएको छ । कम्पनीले ५ जना संस्थापक सेयरधनीके नाममा रहेको सेयर बिक्रीमा ल्याएके हो ।
कम्पनीको पाँच जना संस्थापक सेयरधनी भरत रेग्मीको नाममा रहेको ६९ हजार ४१९ कित्ता, निशा केसीको ४४ हजार ३६५ कित्ता, संगीता केसी को ३ लाख ४१ हजार ७१९ कित्ता, प्रविशा थापाको नाममा रहेको १ हजार ७५९ कित्ता,खड्क बहादुर थापा मगरको नाममा रहेको ८ सय ६२ कित्ता गरी कुल ४ लाख ५८ हजार १२४ कित्ता सेयर बिक्रीमा ल्याएको हुन् । उक्त सेयरको न्यूनतम मूल्य भने खुलाएको छैन ।
सेयर खरिद गर्ने चाहने इच्छुक विद्यमान संस्थापक सेयरधनीहरुले आवश्यक कागजात संकलन गरी सूचना प्रकाशित भएको ३५ दिन भित्र कुमारी क्यापिटल वा टंगालमा कुमारी बैंकको प्रधान कार्यालयमा आवेदन दिन सक्नेछन् ।
साथै, तोकिएको अवधि भित्र सेयर खरिदका लागि कुनै पनि आवेदन नपरेको खण्डमा उक्त सेयर अन्य व्यक्ति तथा संघ संस्थालाई बिक्री प्रक्रिया अगाडि बढाउने कम्पनीले जनाएको छ ।
प्रतिक्रिया दिनुहोस्