सिंहदरबार संवाददाता
काठमाडौं । यस वर्ष नेपाल बैंकका लगानीकर्ताहरुको हात खाली हुने भएको छ । बैंकले गत आर्थिक वर्ष २०७९/८० को नाफाबाट सेयरधनीहरुलाई कुनै पनि लाभांश वितरण नगर्ने घोषणा गरेको हो।
बैंकको बुधबार बसेको सञ्चालक समिति बैठकले सो निर्णय गरेको हो । बैंकले अघिल्लो आर्थिक वर्ष २०७८/७९ मा भने २ प्रतिशत बोनस सेयर र ८ प्रतिशत नगद लाभांश वितरण गरेको थियो ।
सञ्चालक समिति बैठकले लाभांश वितरण नगर्ने गरी गत आर्थिक वर्षको वित्तीय विवरण स्वीकृतिका लागि नियामक नेपाल राष्ट्र बैंकसमक्ष पेश गर्ने निर्णय गरेको छ।
प्रतिक्रिया दिनुहोस्