घट्यो सुनचाँदीकाे मूल्य, कतिमा हुँदैछ कारोबार ?

काठमाडौं । नेपाली बजारमा सुन चाँदीको मूल्य घटेको छ । कारोबारको पहिलो दिन आज ( आइतबार) सुनको मूल्य तोलामा एक हजार तीन सय रुपैयाँले घटेको हो ।

आज बजारमा छापावाल सुन एक हजार तीन सय रुपैयाँले घटेर १ लाख १७ हजार ५०० रुपैयाँमा कारोबार भइरहेको नेपाल सुनचाँदी व्यवसासी महासंघले जनाएको छ ।

शुक्रबार भने सुनको भाउ वृद्धि भएको थियो । त्यस दिन सुन तोलामा २०० रुपैयाँले महंगिदा प्रतितोला एक लाख १८ हजार ८०० रुपैयाँ पुगेको थियो ।

यस्तै आज तेजावी सुन तोलामा १ लाख १६ हजार ९५० रुपैयाँमा कारोबार भइरहेको छ ।

आज सुनसंगै चाँदीको मूल्य पनि घटेको छ । चाँदी तोलामा ३५ रुपैयाँले घटेर एक हजार ४२५ रुपैयाँमा कारोबार भइरहेको महासंघले जनाएको छ ।