सिंहदरबार संवाददाता
काठमाडौं । पछिल्लो समय दिनदिनै नयाँ रेकर्ड बनाइरहेको सुनको मूल्यमा आज ब्रेक लागेको छ । सोमबार इतिहासकै सर्वाधिक मूल्यको कीर्तिमान बनाएर प्रतितोल १ लाख २१ हजार ६०० रुपैयाँ पुगेको सुनको मूल्य आज एकैदिन २४०० रुपैयाँले घटेको हो ।
नेपाल सुनचाँदी व्यवसायी महासंघका अनुसार मंगलबार छापावाल सुनको भाउ प्रतितोला १ लाख १९ हजार २०० रुपैयाँमा झरेको छ ।
महासंघका अनुसार आज तेजावी सुनको भाउ पनि प्रतितोला २३५० रुपैयाँ घटेर १ लाख १८ हजार ६५० रुपैयाँमा झरेको छ ।
त्यस्तै, आज चाँदीको मूल्य पनि प्रतितोला ४५ रुपैयाँ घटेर १ हजार ५०० रुपैयाँमा कारोबार भइरहेको छ ।
प्रतिक्रिया दिनुहोस्