काठमाडौं । साताको कारोबारको दोस्रो दिन सेयर बजार सामान्य अंकको सुधार देखिएको छ । आइतबार १.८९ अंक बढेर बन्द भएको सेयर बजार सोमबार पनि सामान्य अंक बढेर बन्द भएको हो ।
नेपाल स्टक एक्सचेन्ज (नेप्से) ४.५७ अंक बढेर २,१००.६५ को विन्दुमा बन्द भएको छ । त्यस्तै, ठुला कम्पनीको सेयर मापक सेन्सेटिभ इण्डेक्स पनि १.७६ अंक बढेर ४०२.०१ को विन्दुुमा बन्द भएको हो ।
नेप्सेका अनुसार दिनभरीमा २५९ कम्पनीको ३९ लाख २२ हजार २१६ कित्ता सेयर १ अर्ब ४७ करोड ४१ लाख रुपैयाँ बराबरको सेयर खरिदबिक्री भए । अघिल्लो कारोबारको दिन अर्थात आइतबार नेप्से १.८९ अंक बढ्दा करिब २ अर्बको सेयर कारोबार भएको थियो ।
आइतबार कारोबारमा आएको १०४ कम्पनीको सेयर मूल्य बढेको छ । ९५ कम्पनीको सेयर मूल्य घटेको छ । भने, १७ कम्पनीको सेयर मूल्य स्थिर छ ।
यसदिन आदर्श लघुवित्तको सेयर पोजेटिभ सर्किट लेभलमा कारोबार भएको छ । भने ८.५ प्रतिशत लक्ष्मि बैंक डिबेन्चर सबैभन्दा बढी ९.५८ प्रतिशत घटेको छ ।
कारोबार रकमको आधारमा एनआइसी एशीया बैंकको सेयर सर्वाधिक कारोबार भएको छ । बैंकको ६ करोडड ४५ लाख रुपैयाँ बराबरको सेयर खरिदबिक्री भएको हो ।
त्यसैगरी, यूनिभर्सल पावर कम्पनीको ५ करोड ३५ लाख, नेपाल लाइफ इन्स्योरेन्सको ४ करोड ८९ लाख, हिमालयन डिस्टिलरीको ४ करोड ७७ लाख र आदर्श लघुवित्तको ४ करोड ३ लाख रुपैयाँ बराबरको सेयर खरिदबिक्री भएको छ । भने बाँकी कम्पनीहरुको ४ करोड रुपैयाँ भन्दा कम सेयर कारोबार भएको छ ।
यस दिन १३ उपसमूहमध्ये ८ उपसमूहको परिसूचक बढेको छ भने ५ उपसमूहको परिसूचक घटेको छ। यस दिन उत्पादन तथा प्रशोधन उपसमूहको परिसूचक सर्वाधिक १.३८ प्रतिशत बढेको छ। यस दिन जीवन बीमा उपसमूहको परिसूचक सर्वाधिक ०.८२ प्रतिशत घटेको छ।
प्रतिक्रिया दिनुहोस्