काठमाडौं । सरकारले हेटौंडा कपडा उद्योग, गोरखकाली रबर उद्योग र बुटवल धागो उद्योग पुनः सञ्चालनमा ल्याउने घोषणा गरेको छ । सरकारले आगामी आर्थिक वर्षको बजेट मार्फत हाल बन्द रहेका यी उद्योगहरु पुनः सञ्चालन गर्ने घोषणा गरेको हो ।
‘ पुनः सञ्चालनको सम्भावना रहेका हेटौँडा कपडा उद्योग, गोरखकाली रबर उद्योग र बुटवल धागो कारखानालाई सञ्चालनमा ल्याइनेछ।’, सरकारको नीति तथा कार्यक्रममा भनिएको छ । त्यस्तै, सरकारले आगामी आर्थिक वर्षमा लामो समयदेखि बन्द रहेका, रुग्ण भएका उद्योगहरु पुनः सञ्चालन गर्ने वा खारेजी गर्ने प्रयोजनका लागि उच्चस्तरिय अध्ययन समिति गठन गर्ने घोषणा पनि गरेको छ ।
‘लामो समयदेखि बन्द तथा रुग्ण अवस्थामा रहेका उद्योगहरू सञ्चालन, खारेजी, एकीकरण वा आवश्यक व्यवस्थापनको विषयमा अध्ययन गर्न एक उच्चस्तरीय अध्ययन समिति गठन गरिनेछ।’, सरकारले नीति तथा कार्यक्रममा भनेको छ ।
प्रतिक्रिया दिनुहोस्