काठमाडौं । हिमालयन बैंक लिमिटेडले संस्थापक सेयरधनीको नाममा रहेको संस्थापक सेयर बिक्रीमा ल्याएको छ । कम्पनीले ६ जना संस्थापक सेयरधनीको नाममा रहेको कूल ५० लाख ९१ हजार ८ सय १८ कित्ता सेयर बिक्रीमा ल्याएको हो ।
संस्थापक सेयरधनी सुप्रिना मास्केको नाममा रहेको ८ हजार ३ सय ५७ कित्ता, शैलेश नाथ मास्केको ८ हजार ३ सय ५७ कित्ता, पुन प्रसाद सुवेदीको ४० हजार ९४३ कित्ता, म्युचल ट्रेडिङ्ग कं प्रालिको ५० लाख कित्ता, उपेन्द्र मान प्रधानको २ सय ९२४ कित्ता, स्वान इन्टरनेशनल प्रालिको ३१ हजार २ सय ३७ कित्ता सेयर बिक्रीमा ल्याएका छन् ।
उक्त सेयर खरिदको लागि इच्छुक संस्थापक सेयरधनीहरुले सूचना प्रकाशन भएको ३५ दिनभित्र आवश्यक कागजात संकलन गरी बैंकको केन्द्रीय कार्यालय कमलादी काठमाडौंस्थित कानून विभागमा आवेदन पेश गर्न सक्नेछन् । बैंककले सेयरको बिक्री मूल्य बिक्रेताअनुसार फरक फरक रहेकाले मूल्य तथा अन्य जानकारीको लागि केन्द्रीय कार्यालयमा सम्पर्क राख्न आग्रह गरेको छ ।
साथै, तोकिएको समयमा संस्थापक सेयरधनीहरुबाट आवेदन नपरेको खण्डमा बैंककले कानून बमोजिम अन्य व्यक्ति वा संस्थालाई बिक्री प्रक्रिया अगाडी बढाउने एक सूचनामार्फत जानकारी गरेको छ ।
प्रतिक्रिया दिनुहोस्