काठमाडौं। सानिमा बैंकले ग्राहकहरुका लागि सानिमा पाइभ इन वन खाता सेवा सार्वजनिक गरेको छ । सानिमा पाइभ इन वन खाता सेवा, सानिमा थ्री इन वन खाताको परिष्कृत सेवा हो ।
यसअन्तर्गत ग्राहकहरुले बचत खाता, डिम्याट खाता, सेयर ट्रेडिङ खाता, सि आस्बा र मेरो सेयरको सेवाका लागि एकै पटक वा छुट्टाछुट्टै आवेदन दिन सकिने बैंकले जनाएको छ ।
सानिमा बैंकले सानिमा क्यापिटलसँगको सहकार्यमा यो सेवा प्रदान गरेको हो । यस सेवामार्फत नयाँ तथा पुराना ग्राहकहरुले बैंकको वेवसाइटमा उपलब्ध पाइभ इन वन अनलाइन प्लेटफर्म प्रयोग गरी बचत खाता (नयाँ ग्राहकका लागि), डिम्याट खाता, सि आस्बा, मेरो सेयर र दोस्रो बजारबाट सेयर खरिद तथा बिक्री गर्ने सेयर ट्रेडिङ खाता सहजै खोल्न सकिनेछ ।
सानिमा बैंकले ग्राहकहरूलाई सहज र सरल रुपमा डिजिटल सेयर ट्रेडिङ प्लेटफर्म उपलब्ध गराउने उद्देश्यले यो पहल गरेको हो । सानिमा बैंककोे सातै प्रदेशमा १ सय ३२ वटा कार्यालयहरु र १ सय २२ वटा एटिएम सञ्जाल छन् ।
प्रतिक्रिया दिनुहोस्