नेपाल उद्योग परिसंघका अध्यक्ष राजेश अग्रवालले अर्थतन्त्र सुधकारका लागि कानूनहरु संशोधन गर्न आवश्यक रहेको बताएका छन् । काठमाडौंमा आयोजित कार्यक्रमलाई सम्बोधन गर्दै उनले यस्तो बताएका हुन् । उनले सरकारले आगामी वैशाखमा लगानी सम्मेलन आयोजना गर्न लागिरहेको र यसबाट लगानीका बारेमा सकारात्मक सन्देश सञ्चार हुने बताए ।
लगानीलाई प्रोत्साहन गर्न विद्यमान केही कानूनहरुमा सुधार आवश्यक रहेको बताए । उनले समग्र मुलुकको अर्थतन्त्रको विकासका लागि अर्थतन्त्रसँग सम्बन्धित कुनकुन कानूनमा के कस्ता संशोधन गर्न आवश्यक छ भन्ने विषयमा कानूनका दफाहरु किटान गरी सुझाव दिन परिसंघले काम गरिरहेको पनि बताए । उनले कानून सुधारका विषय सरकारले गम्भीरतापूर्वक लिने हो भने लगानी सम्मेलन लगानीकर्तालाई लगानीको वातावरण र अवसरका विषयमा जानकारी गराउने महत्वपूर्ण स्थान हुने बताए । उनले अर्थतन्त्र चलायमान बनाउन बजेटको प्रभावकारी कार्यान्वयन गर्नुपर्ने बताए ।
उनले भने, ‘नेपाल सरकारले आगामी वैशाखमा लगानी सम्मेलन आयोजना गर्दैछ । यसबाट लगानीका बारेमा सकारात्मक सन्देश सञ्चार हुने विश्वास छ । लगानीलाई प्रोत्साहन गर्न विद्यमान केही कानूनहरुमा सुधार आवश्यक छ । समग्र मुलुकको अर्थतन्त्रको विकासका लागि अर्थतन्त्रसँग सम्बन्धित कुनकुन कानूनमा के कस्ता संशोधन गर्न आवश्यक छ भन्ने विषयमा कानूनका दफाहरु किटान गरी सुझाव दिन परिसंघले काम गरिरहेको छ । केही दिनभित्रै दिनेछौँ ।’
उनले आफुहरुले अघि सारेको कानूनी सुधारका विषय सरकारले गम्भीरतापूर्वक लिने हो भने लगानी सम्मेलन लगानीकर्तालाई लगानीको वातावरण बन्ने दावी पनि गरे । उनले अर्थतन्त्र चलायमान बनाउन बजेटको प्रभावकारी कार्यान्वयनमा पनि जोड दिए । ‘बजेटले लिएका लक्ष्य हासिल गर्न कठोर बन्नुपर्ने आवश्यकता देखिएको छ । पूर्वाधार क्षेत्रमा बजेट बढाउनुपर्ने पनि आवश्यकता छ । पूर्वाधार क्षेत्रमा हुने लगानी दीर्घकालीन रुपमा अर्थतन्त्रलाई समृद्धिमा लैजान मद्दत गर्दछ ।’ अध्यक्ष अग्रवालले भने ।
अध्यक्ष अग्रवालले बजेटले लिएका लक्ष्य हासिल गर्न कठोर बन्नुपर्ने आवश्यकता देखिएको बताए । पूर्वाधार क्षेत्रमा बजेट बढाउनुपर्ने पनि आवश्यकता रहेको बताए । पूर्वाधार क्षेत्रमा हुने लगानी दीर्घकालीन रुपमा अर्थतन्त्रलाई समृद्धिमा लैजान मद्दत गर्ने बताए ।
प्रतिक्रिया दिनुहोस्