सेयर बजारमा सबै खाले नागरिकले आफ्नो हैसियत अनुसार लगानी गर्न कानुनले छुट दिएको छ । त्यसो हुनाले चाहे इञ्जिनियर, शिक्षक वा अरु कुनै पनि पेसा व्यवसायका मानिसले बजारमा लगानी गर्न पाउँछन् । कसैले पुर्णकालीन रुपमा त्यसैलाई व्यवसाय नै मानेर लगानी गर्छन् भने कतिले आफ्ने पुँजी त्यहाँ लगानी गरे केहि आम्दानी हुन्छ भन्ने आसयले पनि लगानी गर्छन् । त्यसकारण यस्तो लगानीलाई हामीले अनुचित मान्नु हुदैन, त्यही कारणले यो सेयर कारोबार घट्यो, सेयर मुल्य घट्यो वा आत्महत्या गर्नेसम्म पुग्यो भन्ने निस्कर्षमा हामी पुग्नु हुदैन । र सेयर कारोबारमा कोहि पनि अनुचित रुपमा नठगीउन् केहि व्यक्तीहरुले सेयर कारोबारलाई म्यानुपुलेसन गर्न, इन्साइडरसेन्ड ट्रेडिङ, सुचना लिक गरेर त्यस किसिमबाट प्रभावित गर्न नपाउन् भन्ने बारेमा हामीले यथेष्ट निगरानी गरीरहेका छौं ।
अहिले सेयर कारोबार र त्यसको मुल्य गिरेको छ, यसका विविध कारणहरु रहेका छन् । केही सेयर बजारको कारोबारमा राष्ट्र बैंकले राखेका नीतिहरुले पनि त्यस्तो भएको छ । तथापी यसलाई सहज बनाउन सरकारको तर्फबाट र संगसंगै राष्ट्र बैंक तथा सेयर बजारको नियमन जुन हुन्छ, त्यसबाट परेको प्रभावका विषयमा पनि हामीले आवश्यक सम्वांद गरिरहेका छौं । र हामी चाहान्छौ की यो सेयर कारोबारले एउटा सहज रुप लियोस् र लगानीकर्ताको लगानी डुब्न नपरोस् त्यसप्रति सरकार गम्भीर छ । यसलाई पारर्दशी बनाउने, नीतिगत सुधार र प्रक्रियागत सुधार र प्रणालीगत सुधार ल्याउने प्रति सरकार गम्भीर छ ।
हामी सरकारमा बसेका सबै लागौं, केमा लागौं भने आफ्नो–आफ्नो जिम्मेवारीलाई उच्च कर्तव्य निष्टताका साथ पुरा गर्ने तर्फ लागुम । जो जोसँग जे–जे जिम्मेवारी छ, त्यो पुरा गरौं । त्यो पुरा गर्न पुर्ण समर्पणका साथ काम गर्न लाग्नुपर्छ । त्यसमा दुई मत नै छैन् । त्यसमा हामी एउटा अभियान नै चलाउँ माननिय ज्यूको कुरालाइ मैले गम्भीरताका साथ लिएको छु र हामी सबैले पनि गम्भिरताका साथ लिनुपर्छ भन्ने मलाइ लागेको छ । सँगसँगै तपाई कुनै पेसा व्यवसायमा हुनुहुन्छ ? त्यसको आम्दानीले यथेष्ट आफ्नो आवश्यकता पुरा भएको छ या छैन ? त्यो अवस्थामा केहि पुँजी बँचाएर कही प्रतिफल राम्रो आउन सक्दछ भन्ने अनुमानका आधारमा लगानी गर्छ । अहिले यो इन्फरमेसन टेक्नोलोजीको कारणले सेयर बजारमा लगानी गर्न सहज भएको छ ।
यस्तो कारोबार गरिरहदाँ आफ्नो दक्षता, आफ्नो कार्यक्षेत्र जहाँ काम गर्छौ, त्यसलाइ नै कम्प्रोर्माइज गर्नुपर्छ भन्ने छैन् । बिहान बेलुका फुर्सदको समय, खाली समयमा सुचनाका आधारमा कसरी सेयर मार्केट तलमाथी भइराखेको छ, बजारको ट्रेन्ड के–छ, त्यसको आधारमा सेयर बजारमा लगानी गर्ने कुरालाई अनुचित ठान्नु हुदैन । त्यही कारणले हाम्रो जुन जिम्मेवारी छ, जहाँ हामी काम गर्छौ, त्यो कामलाई नै कम्पर्माइज गर्नुपर्छ भन्ने छैन् । हामी कसैले पनि आफ्नो कामलाई कम्प्रोर्माइज गरेर सेयर कारोबार गर्नुपर्ने जरुरी छैन र हुनु पनि हुदैन् ।
मलाई लाग्छ, यो सेयर बजारको यो जुन गीरावट छ, यो गिरावट अस्थायी हो । अहिले समग्र अर्थतन्त्र पनि त्यसमा सकारात्मक संकेतहरु देखिन थालेका छन् । चाहे यो पर्यटनको कारणले होस्, त्यसले होटल रेष्टुरेष्ट सेवा क्षेत्रमा पनि सकारत्मक प्रभाव पर्न थालेको छ । विनियोजन भएको बजेट खर्च हुन थालेको छ, त्यसले पनि पुँजी प्रवाह हुन्छ, त्यसै गरेर मौद्रिक नीतिमा पनि केहि काममा सुधार आएको छ ।(अर्थमन्त्री डा. महतले प्रतिनिधी सभाको प्रश्नोत्तर कार्यक्रममा उठेका प्रश्नहरुमाथि दिएको जवाफको संसोधित अंश)
प्रतिक्रिया दिनुहोस्