काठमाडौं । माछापुच्छ्रे बैंकको संचालक समितिको अध्यक्षमा रोशन केसी नियुक्त भएका छन।
मंसिर ७ गते बिहिबार बसेको संचालक समितिको ४९१औं बैठकले के.सी. लाई सर्वसम्मतिले सञ्चालक समितिको अध्यक्षमा मनोनित गरेको हो ।
बैंक तथा वित्तीय संस्थासम्बन्धि ऐन, बाफियाको प्राबधान अनुसार संचालक समितिका बहालवाला अध्यक्ष तथा सभासद डा. उपेन्द्र महताले बैंकको संचालक तथा अध्यक्ष पदबाट राजिनामा दिए पश्चात केसीलाई अध्यक्षमा नियुक्ती गरिएको हो ।
के.सी. विगत ९ वर्ष देखि माछापुच्छ्रे बैंकमा आबद्ध भई मिति २०७४ बैशाख १४ गतेदेखि २०७५ पुष २० गतेसम्म यसै बैंकका अध्यक्ष पदमा रहेर काम गरेका थिए । हाल अध्यक्षमा नवनियुक्त हुनु अघि यसै बैंकमा संस्थापक सञ्चालकको रुपमा प्रतिनिधित्व गर्दै आएका थिए । साथै, उनी एक सफल युवा व्यवसायीको रुपमा संस्थापित भई हाइड्रो , कन्स्ट्रक्सन , बैंक तथा वित्तिय संस्था एवम् अन्य क्षेत्रहरुमा पनि आबद्ध रहदैँ आएका छन् ।
प्रतिक्रिया दिनुहोस्