काठमाडौं। महालक्ष्मी विकास बैंक आजदेखि २९ औं वर्षमा प्रवेश गरेको छ। यस अवसरमा बैंकले आफ्ना १ सय ३ वटा शाखामा विभिन्न सामाजिक हितका कार्यक्रमहरु आयोजना गर्नुका साथै २९ वटा शाखामार्फत रक्तदान कार्यक्रम, महालक्ष्मी कर्पोरेट क्रिक्रेट लिग– २०२३, श्रृङ्खला २ लगायत विभिन्न काार्यक्रमहरुको आयोजना गरी २९औं वार्षिकोत्सव मनाइरहेको छ ।
बैंकले वार्षिकोत्सवको अवसरमा २९ वटा शाखामार्फत रक्तदान कार्यक्रम सञ्चालन गरेको छ । केन्द्रीय कार्यालयमा दरबारमार्ग शाखाको सक्रियतामा जेष्ठ ५ गते, शुक्रबार बिहान ११ः३० देखि दिउँसो ३ बजेसम्म रक्तदान कार्यक्रम सञ्चालन गरिएको छ ।
त्यस्तै शाखा, प्रादेशिक तथा केन्द्रीय कार्यालयका कर्मचारीहरुको सहभागितामा काठमाडौंमा र सम्पूर्ण प्रादेशिक कार्यालयहरुका (आठवटा) विभिन्न स्थानहरुमा शाखा तथा प्रादेशिक कार्यालयका कर्मचारीहरुको सहभागितामा जेठ ६ गते, शनिबार बिहान ७ः३० देखि ८ः३० सम्म वित्तीय साक्षरताका निम्ति प्रभातफेरी कार्यक्रम सम्पन्न गरेकाे छ ।
प्रतिक्रिया दिनुहोस्