काठमाडौं। आन्तरिक राजस्व विभागले फागुन महिनामा ३२ अर्ब ७ करोड राजस्व संकलन गरेको छ । विभागले गत आर्थिक वर्षको तुलनामा चार अर्ब बढी राजस्व संकलन गरेको हो ।
फागुन महिनामा विभागले ३६ अर्ब ११ करोड राजस्व संकलन गर्ने लक्ष्य लिएको थियो। तर विभागले लक्ष्यभन्दा ४ अर्ब ११ करोड कम राजस्व संकलन गरेको हो । चालु वर्षको आठ महिनामा विभागले ३ खर्ब ८३ अर्ब ५५ करोड राजस्व संकलन गर्ने लक्ष्य लिएको थियो । जसमा ३ खर्ब ११ अर्ब ९१ करोड मात्रै राजस्व संकलन भएको छ। जुन लक्ष्यको तुलनामा ७२ अर्ब ३६ करोड कम हो ।
आन्तरिक राजस्वतर्फ अन्तशुल्क शिर्षकमा भारी गिरावट आएको छ । सरकारले वर्षेनी नेगेटिभ लिष्टमा निरन्तर कर वृद्धि गर्दा यसको नकारात्मक असर राजस्वमा परेको छ । विभागले यो पटक बैंक तथा वित्तिय संस्थाको फर्दर पब्लिक अफरिङ (एफपीओ) र बार्गेन पर्चेज (मर्जर) मा कर उठाउँदा १३ अर्ब ५ करोड अतिरिक्त कर संकलन भएको छ ।
अतिरिक्त १३ अर्ब रुपैयाँ थप हुदाँ पनि पोहोरको तुलनामा राजस्व ९.९९ प्रतिशत मात्रै वृद्धिदर छ । विभगले हाल १० अर्ब भन्दा बढीको नक्कली मूल्य अभिवृद्धि कर (भ्याट) बिलको अनुसन्धान अघि बढाइरहेको छ । यस्तै चालु वर्षकाे बजेटबाट फेसलेस कर परिक्षणमा जानको लागि विभागले परिक्षण सुरु गरि सकेको छ ।
प्रतिक्रिया दिनुहोस्