काठमाडौं । दरबारमार्गस्थित कासा लाउञ्जमा शनिबार सांगीतिक दसैं साँँझ हुने भएको छ । पारिवारिक वातावरणमा खोलिएको प्रिमियम लाउञ्ज एन्ड बारले स्थापनाको केही समयमै आफ्ना ग्राहकहरुको मन जित्न सफल भएको छ ।
हाल दरबारमार्ग कै एक व्यवस्थित अनि सबैले रुचाइएको कासा लाउञ्जले आफ्ना ग्राहक, शुभचिन्तक तथा इष्टमित्रहरुसँँग एकआपसमा दसैंको शुभकामना साटासाट गर्ने उद्देश्य आउँदो शनिबार नेपालको वरिष्ठ पप गायक हरिश माथेमालाई लिएर सांगीतिक साँँझ आयोजना गर्ने भएको छ ।
आँँखाको नानी हौ तिमी, केही सोध्रे तिमीलाई मैले, स्वप्निल रंगमा रंगिएकी तिमी जस्ता दर्जनौं गीतका सर्जक तथा गायक माथेमाको नेपालमा धेरै समयको अन्तरालपछि हुन लागेको यो नै पहिलो सांगीतिक कार्यक्रम हुनेछ । गायक माथेमालाई साथ दिन विदेश जाने मायालु तिमीलाई जस्ता सदावहार गीतका गायक तथा संगीतकार दीपक थापाकाे समेत आफ्नो प्रस्तुति रहने छ।
यो कार्यक्रमलाई सफल पार्न कासा लाउञ्ज एन्ड बारले भव्य तयारी समेत गरेको छ । नेपालको वरिष्ठ पप गायकद्वय हरिश माथेमा तथा दीपक थापाको सांगितीक प्रस्तुतिपूर्व कासा लाउञ्जको हाउस ब्यान्ड हिमालयन कासाको समेतको रमाइलो प्रस्तुति रहने छ ।
कार्यक्रम सञ्चालनको जिम्मा पाएका द भ्वाइस अफ नेपालका कार्यक्रम सञ्चालक सुशील नेपालले कार्यक्रममा अझ थप उर्जा थप्ने कुरामा कसैको दुई मत रहने छैन । यस कार्यक्रमलाई अझ भव्य रूपमा सफल पार्न नेपालका अरू थुप्रै पप गायकहरुको समेत सहभागी हुने कुरा आयोजक कासाले जानकारी गराएका छन् ।
प्रतिक्रिया दिनुहोस्