सिंहदरबार संवाददाता
काठमाडौं । कुमारी बैंक लिमिटेडले संस्थापक सेयर सर्वसाधारणमा बिक्री खुल्ला गरेको छ । विद्यमान संस्थापक सेयरधनीहरुबाट सेयर खरिदको कुनै आवेदन नपरेपछि बैंकले सर्वसाधारणमा सेयर बिक्री प्रकृया खुल्ला गरेको हो ।
बैंकले सेयरधनीको नाममा रहेको २८ हजार ६ सय ६३ कित्ता सेयर बिक्रीमा ल्याएको थियो । सेयरको प्रतिकित्ता न्युनतम मूल्य भने तोकिएको छैन ।
उक्त सेयर खरिद गर्न इच्छुक सर्वसाधारणले यो सूचना प्रकाशित भएको ३५ दिनभित्र बैंकको सेयर रजिष्ट्रार कुमारी क्यापिटल लिमिटेड काठमाडौं-१ नक्साल, नागपोखरी वा कुमारी बैंक लिमिटेडको प्रधान कार्यालय काठमाडौं टंगालमा आइपुग्ने गरी आवेदन दिनुपर्ने बैंकले जनाएको छ ।
प्रतिक्रिया दिनुहोस्