Skip to content
Shikhar Insurance
National Life

कालिका मन्दिरमा ४५ लाख भेटी सङ्कलन

Hyundai
NCELL
NIMB

बागलुङ । बागलुङ कालिका मन्दिरमा बडादसैँमा असोजमा ४५ लाख भेटी सङ्कलन भएको छ । बागलुङ कालिका भगवती गुठी व्यवस्थापन समितिले असोजमा रु ४५ लाख २७ हजार भेटी तथा अन्य क्षेत्रबाट आम्दानी भएको जानकारी दिएका हुन् ।

बडा दशैँ र चैते दशैँमा कालिका मन्दिरमा सबैभन्दा बढी भेटी सङ्कलन हुने गरेको छ । दशैँमा मात्रै वर्षभरी हुने भेटीमध्ये ६० प्रतिशत सङ्कलन भएको गुठीका अध्यक्ष कुमार खड्काले बताए ।

असोजमा भेटीमार्फत २२ लाख ८० हजार, परेवा बिक्रीबाट ११ लाख ३६ हजार दुई सय ५०, सटर भाडा रु तीन लाख ८५ हजार, बोकाको बली शुल्कबाट ४ लाख चार हजार, चामल बिक्रीबाट रु ९६ हजार सङ्कलन भएको छ । साथै कुखुरा बली शुल्कबाट रु ३० हजार आठ, राँगा बलीबाट रु १८ हजार चार सय, विवाह शुल्क १० हजार पाँच सय, आर्थिक सहयोग एक लाख ४७ हजार आठ सय ७१, पण्डितबाट प्राप्त शुल्क १६ हजार चार सय र व्रतबन्धबाट तीन सय आम्दानी भएको समितिका अध्यक्ष खड्काले जानकारी दिए ।

साथै असोजमा विभिन्न शीर्षकमा रु १३ लाख ९० हजार खर्च भएको जनाइएको छ । अध्यक्ष खड्काले दिएको जानकारीअनुसार तलब, पूर्वाधार, कर्मचारी सुविधा, पानी, विद्युत्लगायत उक्त रकम खर्च भएको छ ।

चाडवाडको समयमा कालिका मन्दिर दर्शन गर्नेको सङ्ख्यामा उल्लेख्य वृद्धि भएको छ । दसैँमा मात्रै चार लाख दर्शनार्थी मन्दिर दर्शनका लागि आएको गुठीको तथ्याङ्क रहेको छ । गत चैते दसैँमा पनि ४० लाख भेटी सङ्कलन भएको थियो ।

 

GBIME

प्रतिक्रिया दिनुहोस्