मुलतः उद्योगीहरुको संगठन हो नेपाल उद्योग परिसंघ र त्यसका नवनिर्वाचित अध्यक्ष हुन्, विष्णु कुमार अग्रवाल ।
आधा दर्जन भन्दा बढी उद्योग व्यवसायमा संलग्न अग्रवालसँग सिंहदरबारले औद्योगीक वातावरण निर्माण, नयाँ पुस्तामा उद्यमशिलता प्रवद्र्धन, मेक इन नेपालः स्वदेशी अभियान, आत्मनिर्भर अर्थतन्त्र लगायतका विषयमा कुराकानी गरेको छ ।
प्रस्तुत छ, कुराकानीको सार:
– उत्पादनमुखी अर्थतन्त्रको निर्माणले मात्रै दिगो रोजगारी सृजना, पुँजी निर्माण र देश विकास सम्भव हुन्छ ।
– मेक इन नेपालः स्वदेशी अभियान अहिलेसम्मको महत्वकांक्षी योजना हो, यसले आत्मनिर्भर अर्थतन्त्र निर्माण गर्ने योजना अघि सारेको छ । हरेक वर्ष एक हजार उद्योग स्थापना र एक लाख ५० हजार रोेजगारी सृजना गर्ने भनेका छौं ।
– नेपालमा लगानीको वातावरण बनिरहेको छ, सरकार जसको नेतृत्वमा आए पनि लगानीको वातावरण बनाउन सबै सकारात्मक छन् ।
– एक खर्ब आपसाप रहेको निर्यातलाई चार खर्ब बनाउनुपर्नेछ ।
– आर्थिक समृद्धिका लागि निजी क्षेत्र, सहकारी क्षेत्र, सरकार, दातृ निकायसँगको समन्वय आवश्यक पर्छ, त्यसले मात्रै विदेशी लगानी पनि ल्याउन सकिन्छ ।
– परिसंघले अनुसन्धानको जिम्मा दिएका व्यक्तित्व डा. विश्व पौडेल अहिले राष्ट्रिय योजना आयोगको उपाध्यक्ष बन्नु भएको छ, अब हामीलाई काम गर्न अझै सहज हुनेछ ।
– कोरोनासँग जुध्दै अघि बढ्नका लागि सबै भन्दा पहिले सबै नागरिकलाई खोप लगाउनुपर्छ, स्वास्थ्य पूर्वाधारमा बिशेष जोड दिनुपर्ने रहेछ ।
– कोरोनाको पहिलो वेभमा थला परेका उद्योग व्यवसाय विस्तारै उठ्दै थिए, दोश्रोले झन समस्या पार्यो, अहिले फेरी विस्तारै उठ्दै छन् ।
– हामीले एक अंकको ब्याजदरमा ऋण पाउने वातावरण बन्नुपर्छ । औद्योगीकरणमा ब्याजदरको महत्वपूर्ण भूमिका रहन्छ ।
प्रतिक्रिया दिनुहोस्