काठमाडौं। एशियन लाइफ इन्स्योरेन्स कम्पनी लिमिटेडले ८.१५ प्रतिशत लाभांश दिन १६औं वार्षिक साधारण सभा बोलाएको छ । कम्पनीको माघ २४ गते बसेको संचालक समितिको बैठकले फागुन १८ गते होटल क्लासिक सिमरा बारामा बिहान ११ः३० बजे बस्ने गरी आव्हान गरेको हो ।
सभामा कम्पनीले आर्थिक वर्ष २०७९/८० को नाफाबाट सेयरधनीलाई ७.७५ प्रतिशत बोनस सेयर र कर प्रयोजनका लागि ०.४०७ प्रतिशत नगद लाभांश वितरण गर्ने प्रस्ताव पेश गर्नेछ ।
सभामा गत आर्थिक वर्षको वार्षिक प्रतिवेदन माथि छलफल गरी पारित गर्नुका साथै चालु आर्थिक वर्षका लागि लेखा परीक्षकको नियुक्ति र निजको पारिश्रमिक निर्धारण गर्ने प्रस्ताव पारित गर्नेछ ।
सभामा सर्वसाधारण सेयरधनी समूहबाट प्रतिनिधित्व गर्ने संचालक पदमा १ जना नियुक्त गर्ने एजेण्डा समेत सभाको कार्य सूचीमा समावेश गरीएको छ ।
त्यसैगरी, बोनस सेयर वितरण पश्चात कायम हुने पुँजीमा ४२ प्रतिशत १:०.४२ अनुपातमा हकप्रद सेयर निष्कासन गर्ने सम्बन्धमा विशेष प्रस्ताव पेश हुनेछ ।
साथै, सभा प्रयोजनका लागि कम्पनीले फागुन ८ गते बुक क्लोज गर्ने भएको छ । फागुन ७ गते बिदा पर्ने भएकोले फागुन ६ गतेसम्म कायम सेयरधनीहरुले मात्र प्रस्तावित लाभांश पाउँने सूचनामा उल्लेख गरेको छ ।
प्रतिक्रिया दिनुहोस्