काठमाडौं । नेपाल आयल निगमले निषेधाज्ञा अवधीमा पनि पेट्रोल पम्पहरु खुला हुने र इन्धनको अभाव नहुने स्पष्ट पारेको छ । आयल निगमका कार्यकारी निर्देशक सुरेन्द्र कुमार पौडेलले भने–‘पेट्रोल पम्पहरु निषेधाज्ञामा पनि खुल्लै हुन्छन्, पर्याप्त मात्रामा भण्डारण गरेका छौं र आयात पनि निरन्तर जारी नै रहन्छ, आत्तिनु पर्ने अवस्था छैन् ।’
उनले उपभोक्ताहरुलाई पेट्रोल पम्पहरुमा लाइन लागेर नबस्न आग्रह पनि गरे । इन्धनको आपूर्ति सहज रहेको र वितरणमा पनि कुनै समस्या नआउने प्रतिवद्धता पनि पौडेलले व्यक्त गरे ।
निगम प्रवक्ता विनितमणी उपाध्याले विज्ञप्ति नै निकालेर निषेधाज्ञाको अवधीमा पनि उपत्यका भित्रका सबै पम्पहरुलाई सहज ढंगले इन्धन बिक्रि वितरण गर्न तयारी अवस्थामा राखिएको पनि जानकारी दिएका छन् ।
प्रतिक्रिया दिनुहोस्