काठमाडाैं । काठमाडौंबाट यती एयरलाइन्सले पोखरा अन्तर्राष्ट्रिय विमानस्थलमा रात्रीकालीन उडान (आइएफआर उडान) सुरू गरेको छ। यो उडान आज आइतबारबाट लागू हुने गरी तालिकासमेत मिलाएको छ।
यसअघि नै रात्री उडानको सुविधा भए पनि पोखरा अन्तर्राष्ट्रिय विमानस्थलमा यतीले आजबाट लागू हुने गरी रात्री उडान सुरू गर्न लागेको हो।
रात्री उडानका लागि यतीले काठमाडौंबाट साँझ ५ः३० बजे उडान नम्बर एनवाइटी ६८३ र पोखरा बाट साँझ ६ः२० बजे उडान नम्बर एनवाइटी ६८४ मार्फत तालिका मिलाएको एयरलाइन्सका प्रवक्ता सुदर्शन बर्तौलाले जानकारी दिए।
‘हाललाई साँझको लागि एउटा मात्र उडान रहे पनि यात्रुको मागअनुसार हालको समयभन्दा पछाडि उडान संख्या थप हुँदै जानेछ,’ उनले भने।
प्रतिक्रिया दिनुहोस्