काठमाडौं । प्रभु इन्स्योरेन्स कम्पनी लिमिटेडले ६५ प्रतिशत हकप्रद सेयर निष्काशन गर्ने निर्णय गरेको छ । प्रभु इन्स्योरेन्सको असार २७ गते बसेको सञ्चालक समितिको बैठकले ६५ प्रतिशत हकप्रद सेयर जारी गर्ने निर्णय गरेको हो । कम्पनीले सञ्चालक समितिको निर्णयलाई स्वीकृतिका लागि नेपाल बीमा प्राधिकरण पठाएको छ । २०८० असार मसान्त भित्र चुक्ता पुँजी २ अर्ब ५० करोड रुपैयाँ पुर्याउन अनेक प्रयास गरिएको तर सम्भव नभएपछि हकप्रद सेयर गर्ने निर्णय गरिएको कम्पनीले दावी गरेको छ । अजोड इन्स्योरेन्ससँग मर्जरका लागि एमओयु गरिएको तर अजोडले एकतर्फी रुपले सम्झौता तोडेको आरोप प्रभुले लगाएको छ । प्रभुले अन्य निर्जीवन बीमा कम्पनीहरुसँग मर्जरका लागि प्रयास गरेको तर हालसम्म उपयुक्त कम्पनी फेला नपरेको दावी गरेको छ । विदेशी साँझेदार भित्र्याउन गरिएको प्रयास पनि असफल भएको प्रभुको दावी छ । कम्पनीले ९९ करोड २८ लाख ७२ हजार २ सय १० रुपैयाँ बराबरले हुने ६५ प्रसितशत हकप्रद सेयर निष्काशन गर्ने निर्णय गर्दै अनुमति मागेको हो । प्रभुको हाल चुक्ता पुँजी एक अर्ब ३७ करोड ६१ लाख ३२ हजार २ सय रुपैयाँ रहेको छ । कम्पनीलाई अझै एक अर्ब १२ करोड ३८ लाख ६७ हजार ८ सय रुपैयाँ पुँजी अपुग छ । ६५ प्रतिशत हकप्रद सेयर जारी गरेपछि अपुग हुने १३ करोड ९ लाख ९५ हजार ५ सय ९० … Continue reading ६५ प्रतिशत हकप्रद सेयर जारी गर्ने प्रभु इन्स्योरेन्सको निर्णय