काठमाडौं । नेकपा(एमाले)का बरिष्ठ नेता तथा पूर्व प्रधानमन्त्री माधव कुमार नेपालले ढुंगा, गिट्टी र बालुवा निर्यात गर्ने सरकारी योजनाले तराईलाई मरुभूमि बनाउने बताएका छन् । सरकारले आगामी आर्थिक वर्षको बजेट मार्फत ढुंगा, गिट्टी र बालुवा निर्यात गर्ने योजना अघि सारेको छ । त्यसले चुरे क्षेत्रको दोहन हुने र आधा जनसंख्या रहेको तराई क्षेत्र मरुभूमिमा परिणत हुने बरिष्ठ नेता नेपालले निष्कर्ष निकालेका हुन् । उनले चुरे संरक्षणका लागि आफुले नै प्रधानमन्त्री हुँदा आर्थिक वर्ष २०६६।६७ मा राष्ट्रपति चुरे संरक्षण कार्यक्रम कार्यान्वयनमा ल्याएको पनि स्मरण गरेका छन् । बरिष्ठ नेता नेपालले तराईको जीवन र शिवालिक सभ्यतालाई नै सखाप पार्ने योजना जनघाती भएको पनि टिप्पणी गरेका छन् । बरिष्ठ नेता नेपालको धारणा सरकारले अध्यादेश मार्फत ल्याएको आगामी आर्थिक वर्ष २०७८।७९ को बजेट वक्तव्यमा ‘खानीजन्य ढुंगा, गिट्टी र वालुवा निकासी गरि व्यापार घाटा कम गर्ने’ योजना समेटिएको विषयमा गम्भिर ध्यानाकर्षण भएको छ। बजेटमै– ‘वातावरणीय प्रभाव मूल्याङ्कनको आधारमा खानीजन्य ढुङ्गा, गिट्टी, वालुवा निकासी गरी व्यापार घाटा न्यूनीकरण गरिनेछ, निकासी गरिने खानीजन्य निर्माण सामग्रीको परिवहनका लागि उद्योगदेखि निकासी विन्दुसम्म रोप–वे निर्माण गर्न आयातमा लाग्ने भन्सार महसुलमा छुट दिने दिने व्यवस्था मिलाएको छु’ भनि लेखेको छ । यो खुल्लम खुल्ला तराई मधेश क्षेत्रलाई मरुभूमि बनाउने घोषणा हो । आधा भन्दा बढी नागरिकको बसोबास रहेको तराई क्षेत्रको जीवन … Continue reading ढुंगा, गिट्टी र बालुवा निर्यात गर्ने योजना जनघाती छ, तराईलाई मरुभूमि बनाउँछः नेपाल