काठमाडौं । विद्युतिय सवारी साधन(इभी)मा थप ऋण लगानी गर्न बैंकरहरु हच्किएका छन् । इभीमा ८० प्रतिशतसम्म ऋण लगानी गरिरहेका बैंकरहरुले त्यस्तो लगानी सुरक्षाका विषयमा गहन आन्तरिक छलफल समेत गरेका छन् । हालसम्म बैंकहरुले इभीमा करिब ७० अर्ब रुपैयाँ हाराहारी ऋण लगानी गरिसकेको प्रारम्भिक अनुमान छ । बैंकहरुले ८० प्रतिशतसम्म ऋण दिने व्यवस्था गरेपछि नेपालमा इभीको बजार ह्वात्तै बढेको थियो । अहिले भने बैंकरहरु नै इभीमा यसअघि गरिएको लगानीको लेखाजोखा गर्ने अवस्थामा पुगेका हुन् । ‘हामीले इभीमा हालसम्म गरेको ऋण लगानी र थप लगानीबारे छलफल थालेका छौं’, एक बैंकरले सिंहदरबारसँग भने । ‘इभीहरुको रिसेल भ्याल्यु’ नभएको, इभी गाडीहरु स्वयं ‘एक्सपेरिमेन्ट’ कै चरणमा रहेको र ब्याट्रीको आयुबारे संशय देखिएपछि बैंकरहरुले इभीमा गरिएको लगानीबारे ‘अलर्ट’ हुने निष्कर्ष निकालेका हुन् । नेपाल बैंकर्स संघले इभीमा गरिएको लगानीबारे औपचारिक छलफल हालसम्म गरेको छैन तर सीईओहरुले अनौपचारिक संवादहरुमा भने ‘अलर्ट’ हुनुपर्ने निष्कर्ष निकालिसकेको बताउन थालेका छन् । ‘इभीको रिसेल भ्याल्युबारे अन्योल छ, ब्याट्रीको आयुबारे पनि अन्योल नै रहेछ, ब्याट्री फेर्नु पर्दा आधा मूल्य नै लाग्ने रहेछ’, एक बैंकरले भने । अझ कमर्सियल सेगमेन्टका इभी गाडीहरुको हकमा त झनै ठूलो समस्याको आंकलन गरिएको पनि ति बैंकरले बताए । कमर्सियल सेगमेन्टका इभी गाडीहरुको ब्याट्री दुई वर्षमा फेर्नुपर्ने अवस्था देखिएको र त्यतिबेला गाडीको मूल्यको करिब आधा लगानी थप्नुपर्ने र … इभीमा एग्रेसिभ ऋण लगानी गरेपछि बैंकरहरु हाई अलर्टमा, ७० अर्बको लेखाजोखा गरिँदै पढ्न जारी राख्नुहोस्